Ég fór að velta aldurstakmörkum fyrir mér þegar ég var að hlusta á Bylgjuna í morgun. Það sem ég skil ekki er ,,af hverju miðast ekki öll boð og bönn við sjálfræðisaldurinn, þ.e. 18 ára"?

Eins og staðan er í dag þá fá krakkar bílpróf 17 ára, verða sjálfráða 18 ára, fá að kaupa tóbak 18 ára og fá að fara í ríkið 20 ára. Svo er verið að tala um í lagafrumvarpinu um ljósabekki verði miðað við 18 ára aldurinn.

Ég skil ekki af hverju 18 ára aldur er þá ekki aldurinn sem allt er miðað við. Ef að börn eru reiðubúin í að taka ábyrgð á sjálfum sér þegar þau eru 18 ára miðað við lög og reglur, af hverju geta þau þá borið ábyrgð á öðrum í bíl með sér þegar þau eru 17 ára?

Og ef að þau eru tilbúin í að taka ábyrgð á því hvort þau vilji eiga hættu á að fá lungnakrabba og annað með reykingum og sortuæxli, flatlaus o.fl. með því að fara í ljósabekki, af hverju geta þau þá ekki líka tekið ábyrgð á því hvort að þau vilji fá sér í glas þegar þau eru 18 ára? Af hverju er aldurstakmarkið í ríkið 20 ár? Eiga fullorðnir einstaklingar ekki að geta ráðið því hvort þau fái sér í glas, líkt og þau geta valið lungnakrabba og sortuæxli?

Ef að börn hætta að vera börn þegar þau eru 18 ára, er það þá ekki einmitt aldurinn þar sem þau geta tekið ábyrgð á öllu? Mér finnst það allavega.

Jesús, stundum á ég sko ekki til eitt aukatekið orð!

Var s.s. að hlusta á Bylgjuna í morgun og þeir voru að ræða það hvaða nöfnum mannanafnanefnd hefur hafnað undanfarið og eitt af þeim var nafnið Bestur!! Hahaha hvað er að fólki, hélt það virkilega að það yrði tekið til greina. Greinilega eitthvað fólk sem ætlaði sko að gefa barninu sínu sjálfsálit því hann myndi segja nokkuð oft:

,,Ég er Bestur."

Mér finnst nú líka frekar fyndið að úrskurður um nafnið Nóel hafi verið hafnað í jólamánuðinum sjálfum, þ.e. í desember. Ætli einhver hafi hugsað: ,,Hey þeir hljóta að samþykkja nafnið Nóel (jól) um jólin, ætli þeir séu ekki komnir í jólaskap þá!"

Mér finnst svo merkilegt hvað þeir eru svo að samþykkja, en það er oftar en ekki verri nöfn en þeir eruð að hafna. T.d. finnst mér eftirfarandi nöfn svolítið fyndin:

Annar - Ætli einhver heiti þá Fyrsti?

Bambi - Væntanlega eftir dádýrinu? haha

Fabrisíus - Ha?

Hilaríus - Eflaust svipaður húmor og með Bestur (eða var það Besti?) ... ,,Ég er Hilaríus (ógeðslega fyndinn)!"

Júní - ... og ég er Nóvember .. haha ég ætlaði reyndar að segja: ,,Og ég er Ágúst". En svo fattaði ég það að Ágúst er náttúrlega mjög eðlilegt nafn haha ... þannig að kannski er Júní eðlilegt? Júlí var líka samþykkt.

Svo næ ég því engan vegin af hverju nafnið Ljótur er leyft! Ætli þeir myndu þá samþykkja nafnið Fallegur? Nei eflaust ekki þar sem þeir samþykkja ekki Bestur. Kannski samþykkja þeir Verstur eða Versti?

Æjjjjjj misjafn er smekkur manna, ég er kannski bara skrýtin. Ég man reyndar aldrei eftir að hafa viljað heita einhverju öðru nafni en Eva ... en man eftir allmörgum sem vildu heita eitthvað annað. Hvað með þig?

... þetta finnst mér ekki smekklegt dress!



Britney Spears á Grammy verðlaunafhendingunni í gær

... pants on the ground, looking like a fool with your pants on the ground.

Verð að gefa honum "General Larry Pratt" props fyrir textann. Textinn er fljótur að ásækja þær heilsastöðvar sem lætur mann fá "lag á heilann".

http://www.youtube.com/watch?v=tMwhl4IrPNc

Annars hafði ég rosalega gaman af Idol-inu í gær, hló mikið og táraðist mikið (er svo mikil grenjuskjóða). Aðal ástæðan fyrir tárunum var reyndar fólkið sem átti einhver 13 börn og voru auk þess búin að ættleiða 4 stráka með "Downs syndrom" ... Ég átti ekki til eitt stakasta orð yfir góðmennsku fólksins og bara einfaldlega þroska þess, fannst þetta ótrúlegt og svo ótrúlega krúttlegir strákar. Hamingja þeirra skein í gegn, munar eflaust miklu að vera alinn upp á heimili þar sem að svona mikill skilningur ríkir.

En að öðru - Ég fór á Avatar 3-D á sunnudagskvöldið var og ég verð að viðurkenna að ég var HEILLUÐ. Nei ég gekk ekki í hóp þeirra sem verða þunglyndir eftir myndina, þar sem að raunveruleikinn er ekki til þess að lifa fyrir eftir að hafa séð mynda (það fólk hlýtur bara að hafa verið þunglynt fyrir btw) og að ég sé að hugsa sjálfsmorð líkt og það fólk. Heldur varð ég bara hugfanginn af bæði tækninni og söguþræðinum.



Ég reyndar fór ekki inn með neinar væntingar, það eina sem ég vissi var að þetta var fyrsta mynd James Cameron eftir að hann framleiddi Titanic og að hann hafi beðið með framleiðslu þessarar myndar þar til tæknin væri orðin það góð að hann gæti framleitt hana eins og hann hafi hugsað sér að gera hana... Og já það fer sko ekkert á milli mála að tæknin var geðsjúúúúúúúk. Það sem kom mér mest á óvart - líkt og áður sagði var:

- Söguþráðurinn -

Mér fannst hann einfaldlega sýna vel hversu grimmt mannfólkið getur verið og var góð ádeila á það um hvað þessi stríð ganga. Hermenn undir stjórn einræðisherra sem ráðast inn á land annarra til að græða eitthvað. Ég meina hvað annað var George Bush og Hitler að gera þegar þeir réðust inn í öll þessi lönd, þeir voru að reyna að græða á kostnað íbúa landanna. Skítt með það að það verði smá mannfall (collateral damage) í leiðinni. George vildi olíuna og Hitler vildi landssvæðin.

Mér fannst það líka svolítið skrýtið að vita það að ég hélt ekki með mannfólkinu heldur hélt maður með "The Na´vi'" og reyndar mannfólkinu sem fór í lið með þeim.

Ég varð reyndar líka svolítið heilluð af pælingunni með þetta andlega hjá þeim, allir tengdir þessum guði "Eewa" sem er tengd þeim öllum. Og líka hvernig öll dýrin voru tengd þeim. Ég var búin að heyra að söguþráðurinn væri mjög líkur söguþræðinum í "Dancing with the wolves", en þar sem ég hef ekki séð hana þá get ég ekki dæmt um það... Eflaust svipuð pæling.



Allavega - mæli með myndinni - must see!